Վիպակի հերոս Վ-ն ապրում է մի խեղաթյուրված աշխարհում, որն օտար է նրա համար և ոչ ընկալելի։ Ո՞րն է այս աշխարհում ճակատագրի բերմամբ հայտնված միայնակ հերոսի դիմակայման միջոցը․ աշխարհ, որտեղ մարդկանց անուններն անգամ այլևս ոչինչ չեն ասում և ամփոփված են մեկ տառի մեջ։ Վ-ն, ինչպես իրենից առաջ ծնված ու իրենից հետո ծնվելիք բոլոր անհատականությունները, կանգնած է հավերժական ընտրության առաջ՝ հանձնվել հոսանքին կամ կռիվ տալ սեփական տեսակի գոյության համար։