Կարող է զարմանալի թվալ, բայց... հայ արձակում սիրավեպեր չկան: Կամ այնքան հազվադեպ են, որ դժվար է միանգամից հիշել։ Վահրամ Մարտիրոսյանի նոր վեպի վերնագրի երանգը հուշում է, որ սերը ամենաանհավանական արկածն է, որ կարող է պատահել Մոսկվայում, բայց այն իսկապես սիրո պատմություն է։ Վեպի հերոսները սիրահարվում են իրար եւ երջանիկ են միասին, ասես անկշռելիության թաղանթում, մինչ այն ճեղքում ու ներս է թափանցում իրականությունը՝ երեկ աշխարհակալ-միաձույլ - այսօր ազգային հակասություններից, սոցիալական անարդարությունից ու բռնություններից ծվատվող մեգապոլիսը։