Մարդկության պատմությունը երկու միլիոն տարուց ավելի է: Բայց գրավոր վկայություններ պահպանվել են դրա միայն մի շատ փոքր հատվածի` վերջին 5000 տարվա մասին: Եվ, այնուամենայնիվ, գոյություն ունեն աղբյուրներ, որոնք իրազեկում են մեր անցյալի մասին: Դրանք աշխատանքային գործիքներն են, զենքի տեսակները, խեցեղենի բեկորները և նույնիսկ չվնասված խեցեղենը, պարզագույն բնակավայրերի մնացորդները: Մարդկության գործունեության այդ հետքերի մի մասը պահպանվել է մինչև մեր օրերը: Մեր կյանքի ոչ այնքան հեռավոր անցյալի մասին են վկայում բերդերի և տաճարների, ոռոգման համակարգերի, տների ու փողոցների, ինչպես նաև ամբողջ քաղաքների ավերակները: