Խորեն Գագիկի Նասիբյանը աշխարհի 22 երկրներում ներկայացված GRATA International իրավաբանական ընկերությունների ասոցիացիայի անդամ հանդիսացող «ԳՐԱՏԱ Ինթերնեյշնլ» սահմանափակ պատասխանատվությամբ ընկերության կառավարող գործընկերն է, ով մասնագիտական կրթություն է ստացել Երևանի պետական համալսարանում, ռուսաստանյան և եվրոպական առաջատար կրթական հաստատություններում, ունի ավելի քան 20 տարվա մասնագիտական փորձ իրավագիտության, այդ թվում` պայմանագրային իրավունքի ոլորտում։ Սույն ձեռնարկը նախատեսված է գործարարների, ինչպես նաև սկսնակ իրավաբանների համար, և կոչված է վերջիններիս հնարավորինս մատչելի կերպով ներկայացնելու առևտրային պայմանագրերի կազմման և կնքման առանձնահատկությունները, վեր հանելու առևտրային պայմանագրերի կազմման ընթացքում հաճախ հանդիպող խնդիրները և ներկայացնելու դրանց լուծման գործնական առաջարկներ և խորհուրդներ, որոնք հնարավորություն կտան նշվածանձանց առավել շահեկան պայմաններով կնքել առևտրային գործարնքեր։