Գիրքն ամբողջությամբ կազմված է Հովհ. Թումանյանի ավագ դստեր՝ Աշխենի՝ մեզ հասած արխիվային նյութերից: Ներկայացված են Թումանյանների ընտանեկան կյանքի՝ մինչև օրս չհրապարակված բացառիկ դրվագներ, կենսագրական գրառումներ, հոր՝ Հովհ. Թումանյանի, ընտանիքի մյուս անդամների և այլոց հետ Աշխենի ունեցած փոխադարձ նամակագրությունը, Գևորգ Խատիսյանի և Աշխենի ամուսնության դրամատիկ պատմությունը, միակ զավակի՝ Հովիկի ողբերգական մահը: Գրքում զետեղված են նաև Աշխենի՝ որպես Հովհ. Թումանյանի երևանյան թանգարանի հիմնադիր տնօրենի հուշերը թանգարանի կայացման մասին: