Հնգահատոր այս ժողովածուն ընդգրկում է Հայկ Գաբրիելյանի` 2016-2023թթ. Միջազգային անվտանգության ու հարցերի հայկական ինստիտուտի (ՄԱՀՀԻ) կայքում. 2013-2017թթ. «Նորավանք» ԳԿՀ-ի «21-րդ Դար» և «Գլոբուս», ինչպես նաև այլ պարբերականներում («Փոփոխվող աշխարհ», «Տարածաշըրջանային խնդիրներ», «Անալիտիկոն») հեղինակի հրապարակած գիտական ու վերլուծական հոդվածները։ Հինգ հատորները թեմատիկ առումով բաժանված են երկու լայն թեմայի ներքաղաքական ու արտաքին քաղաքական։ Ներքաղաքական թեմաներն ընդգրկում են երկու հատոր, իսկ արտաքին քաղաքական թեմաները՝ երեք հատոր։ Արտաքին քաղաքական թեմաներով գիրքը բաղկացած է երեք հատորից։ Արտաքին քաղաքական թեմաներով երեք հատորում հոդվածները լայն իմաստով առնչվում են 2013-2023թթ. Թուրքիայի Հանրապետության արտաքին քաղաքական ոլորտի զարգացումներին, հոդվածները բաժանվել են 6 հիմնական թեմաների՝ Ռուսաստան-Թուրքիա հարաբերություններ և Թուրքիայի քաղաքականությունը Հարավային Կովկասում, Թուրքիան՝ որպես էներգետիկ ու լոգիստիկ հանգույց (Հատոր Գ), Թուրքիայի արտաքին քաղաքականությունը Մերձավոր Արևելքի (Ասիայի) ու Հյուսիսային Աֆրիկայի նկատմամբ, Թուրքիա-Արևմուտք հարաբերություններն ու Թուրքիայի Բալկանյան քաղաքականությունը (Հատոր Դ), Թուրքիայի արտաքին քա- ղաքական տարբեր ոլորտների ամփոփումներն ու ռազմավարությունները, Թուրքիայի գլոբալ հավակնությունները (Հատոր Ե)։ Հոդվածների ժողովածուն նախատեսված է արևելագետների, միջազգայնա գետների, պատմաբանների, ինչպես նաև 21-րդ դարի Թուրքիայով հետաքրքրվողների համար։