«Անձնանունների դպրոցական բառարանը» հանրությանը հայտնի հեղինակային խմբի կողմից հերթական հրաշալի նվերն է մեր աշակերտությանը: Այն իր անվանացանկում ներառում է շուրջ 750 անուն, որոնք ներկայացվում են ամենայն մանրամասնությամբ՝ ծագումով, իմաստով, շատ հաճախ նաև անվան բառակազմական պատկերով: Գիրքն առավել գրավիչ, ինչպես նաև ճանաչողական և իմացական դարձնելու նպատակով հեղինակները բազմաթիվ հայտնի մարդկանց անունների տակ զետեղել են հետաքրքիր պատմություններ, զրույցներ, կենսագրական նյութեր: Բառարանը, համոզված ենք, կհետաքրքրի ոչ միայն դպրոցականներին, հայոց լեզվի մասնագետներին, ուսուցիչներին, այլև ընդհանրապես յուրաքանչյուր հայ մարդու: