Ծաղիկների դիցուհին Արևմուտքի տիրուհու՝ Սի Վանմու աստվածուհու ծննդյան օրվան նվիրված խնջույքին հրաժարվում է դեմ գնալ բնության օրենքներին, երդվում ամեն գնով հավատարիմ մնալ իր ուխտին՝ այդպիսով հարուցելով Լուսնի աստվածուհու՝ Չան Էի զայրույթը, ինչը հետագայում ճակատագրական հետևանքներ է ունենում ծաղիկների աստվածուհու և իննսունինը դիցուհիների կյանքում։ Հարյուր ծաղիկները, ինչպես հատուկ է դաոսական փիլիսոփայության մեջ անմահներին, ստիպված են որպես մահկանացու վերածնվելու երկրի վրա և կրելու իրենց պատիժը։ Նրանք պետք է հաղթահարեն իրենց տրված փորձությունները՝ նորից վերամիավորվելու և աստվածային կացարան վերադառնալու համար։
Լի Րուճըն «Ծաղիկները հայելու մեջ» երգիծական վեպը գրվել է 19-րդ դարի քսանական թվականներին, այն արտացոլում է ցինական Չինաստանի բարքերն ու հասարակական խնդիրները, որոնք արդիական են նաև այսօր: «Ծաղիկները հայելու մեջ» վեպում հեղինակը պատմական ու դիցաբանական կերպարների ու իրադարձությունների միջոցով բարձրաձայնում է ցինական Չինաստանին հատուկ մի շարք հասարակական խնդիրներ, վերհանում մարդկային արատները, բարձրացնում սոցիալական անհավասարության խնդիրը։
Заказывай книги и получи быструю доставку в любую точку мира.
Подробнее об условиях доставки и способах оплаты смотрите здесь.
