Խաղն իր մեջ ներառում է քարտեզ-խաղադաշտ, զառ, խաղաքարեր և ուղեցույց գրքույկ։ Նախատեսված է 2-ից 10 մասնակիցների համար։ Կարող են խաղալ դպրոցականներն, ովքեր անցնում են հայ գրականություն և ավելի բարձր տարիքային խմբի մարդիկ։ Սկզբում բոլոր մասնակիցները պետք է նետեն զառը։ Զառով ամենաբարձր թիվը ստացած մասնակիցը պետք է սկսի խաղը, այնուհետև ըստ մեծից փոքր տրամաբանության որոշվում է խաղի մյուս մասնակիցների հերթականությունը։ Եթե երկու կամ ավել մասնակիցներ զառը նետելուց ստացել են նույն թիվն, ապա ինքներդ որոշեք, թե ով որ հերթականությամբ է խաղալու։ Զառով ստացած թվին համապատասխան քայլեր պետք է կատարեք խաղադաշտ-քարտեզի վրա և փորձեք առաջինը հասնել վերջնակետին։ Որպես խաղաքարեր օգտագործելու եք փայտից կոճակներ, որոնք անվանական են՝ ամեն էպոսի հերոս ունի իր կոճակը։