«Մեկ հանգույցի գաղտնիքը» մանկական հեքիաթ է, որտեղ գունեղ թելերի ու հանգույցների միջոցով բացահայտվում են հայկական գորգագործության փուլերը՝ միաժամանակ սերմանելով միասնականության, ընկերասիրության և համերաշխության արժեքներ: Հեքիաթը վառ օրինակ է այն մտքի, որ անձի ձևավորման և զարգացման գործում մեծ դեր է խաղում շրջակա միջավայրը։ Որքան միջավայրը զտվում է եսապաշտությունից, այնքան հնարավոր է դառնում կերտել գեղեցիկ, ամուր և մնայուն գործ: Այս հեքիաթը թերապեվտիկ հրաշալի միջոց է՝ երեխաների մոտ համագործակցության, թիմային աշխատանքի, փոխօգնության հանդեպ դրական վերաբերմունք ձևավորելու, անհատական աշխատանքը ընդհանուր գործի մի մասը դարձնելու կարևոր գաղափարը սերմանելու հարցում։