«Մայրենի 4». Ուսուցչի մեթոդական ձեռնարկը» «Մայրենի 4» դասագրքի լիարժեք գործընկերն է․ աջակցում է ուսուցչին ուսումնական գործընթացի բոլոր փուլերում՝ պլանավորում - իրականացում - գնահատում, խթանում է սովորողակենտրոն, ստեղծագործական ու արդյունավետ դասավանդումը։ Ուսուցչի մեթոդական ձեռնարկի տպագիր տարբերակը բաղկացած է երկու մասից և ունի մի շարք առավելություններ․ Ձեռնարկը թույլ է տալիս ուսուցչին միանգամից տեսնելու ողջ ուսումնական տարվա պլանավորումը՝ ըստ վեց թեմաների։ Դա օգնում է ուսումնական գործընթացը համապարփակ պլանավորել և հաջորդականություն ապահովել։ Ձեռնարկը թույլ է տալիս ուսուցչին անմիջապես էջերի վրա նշումներ, մեկնաբանություններ և փոփոխություններ կատարել։ Ձեռնարկը պարունակում է քայլ առ քայլ դասապլաններ՝ հստակ քայլաշարերով։ Ձեռնարկում ներառված են և մանրամասն նկարագրված «Արդարության գավաթ», «Խոսող փայտիկ», «Ռաունդ Ռոբին» և այլ մեթոդներ, որոնք հեշտությամբ կարելի է կիրառել դասարանում։ Ձեռնարկը պարունակում է գնահատման գործիքներ, ինչպիսիք են՝ ստուգաթերթերը, սանդղակաշարերը և այլն, ինչն ուսուցչին օգնում է ճիշտ և արդյունավետ գնահատում իրականացնել։ Ձեռնարկում հստակ շեշտվում է գործնական և հետազոտական նախագծերի կարևորությունը («Մեր համայնքի մարդիկ», «Ամեն մարդու մեջ արև կա»), որոնց միջոցով սովորողներն առնչվում են իրական կյանքի խնդիրների հետ։ Այսպիսով, «Մայրենի 4» ձեռնարկը կարող է դառնալ ուսուցչի անփոխարինելի գործիքը՝ դասերը բարձր մակարդակով կազմակերպելու համար։