Գրքում ներկայացված են արտակարգ և ճգնաժամային իրավիճակներում մարդու հոգեբանական փոփոխությունների դրսևորումների ոչ միայն տեսական, այլև գործնական մեթոդներ ու մտավարժանքներ, հնարավորություններ, որոնց իմացությունը ոչ միայն կարող է նպաստել հոգեբանական պաշտպանվածությանը, այլ նաև կանխել մարդկանց մոտ հոգեբանական ու վարքագծային խախտումների առաջացումը։ Հոգեբանական օգնություն ցուցաբերելու մեթոդներն ու ռազմավարությունը՝ կնպաստեն հոգեկան հավասարակշռության պահպանմանը, կօգնեն ճգնաժամային իրավիճակներում հայտնված տուժածներին, նրանց հարազատներին, ականատեսներին, ինչպես նաև փրկարարներին՝ ճիշտ կողմնորոշվելու անելանելի հոգեվիճակում։ Ուշադրություն է դարձվել, թե տարբեր խառնվածք ունեցող անձինք, տարաբնույթ արտակարգ իրավիճակներում, ինչպե՞ս են դիմակայում սթրեսներին և որքանով են տեղեկացված հոգեբանական պաշտպանության ու կայունության մեթոդներին: Գիրքը նախատեսված է ոչ միայն մասնագետների և ուսանողների, այլ նաև ընթերցող լայն հասարակության համար: