Ուսումնական նյութերի ժողովածուն կազմվել է «Հայաստանի պատմություն/Հայոց պատմություն. 2026–2027 ուսումնական տարվա պետական ավարտական և միասնական քննությունների ուղեցույցի» սկզբունքներին, պահանջներին և քննական ծրագրին համապատասխան։ Ժողովածուն ընդգրկում է ուղեցույցի գրականության ցանկում տրված՝ «Զանգակ» հրատարակչության 2018 թ. և 2019 թ. հրատարակած «Հայոց պատմության» 6–9-րդ դասարանների դասագրքերի քննական ուսումնական նյութերը։ Ուղեցույցի համաձայն՝ պետական ավարտական և միասնական քննությունների թեստերի առաջադրանքներն ստեղծվելու են դասագրքերի քննական ուսումնական նյութերի հիման վրա։ Բողոքարկման դեպքում հիմք են ծառայում միայն 2018 թ. և 2019 թ. լույս տեսած դասագրքերը։ Քննական ուսումնական նյութեր են հանդիսանում քննական ծրագրին համապատասխանող կամ վերաբերող՝ բաժինների, գլուխների/թեմաների, պարագրաֆների կամ ենթապարագրաֆների վերնագրերը, դասագրքերի ներածությունները, բաժիններում, գլուխներում/թեմաներում, պարագրաֆներում կամ ենթապարագրաֆներում եղած ներածական և հիմնական հեղինակային տեքստերը, տարբեր խորագրերի տակ կամ առանց խորագրի տրված աղբյուրագիտական, մասնագիտական կամ հանրամատչելի տեքստերը և մեջբերված հատվածները՝ անկախ նրանից, թե դրանք գլխի կամ պարագրաֆի ո՛ր մասում են տեղադրված։ Դասագրքերի հեղինակներ՝ ԱՇՈՏ ՄԵԼՔՈՆՅԱՆ, ԱՐՏԱԿ ՄՈՎՍԻՍՅԱՆ, ԷԴՈՒԱՐԴ ԴԱՆԻԵԼՅԱՆ, ԱՐԱՄ ՆԱԶԱՐՅԱՆ, ԱՐԱՄ ՍԻՄՈՆՅԱՆ, ԳԱԳԻԿ ՀԱՐՈՒԹՅՈՒՆՅԱՆ, ՀԱԿՈԲ ՄՈՒՐԱԴՅԱՆ, ԷԴԻԿ ԳԵՎՈՐԳՅԱՆ, ԿԱՐԵՆ ԽԱՉԱՏՐՅԱՆ, ԱՄԱՏՈՒՆԻ ՎԻՐԱԲՅԱՆ