Առաջին անգամ լույս է տեսել հայ ձեռնարկատիրական և առաջնորդական հմտությունների զարգացման մասին պատմող «Հայ գործարարների 100 և 5 բիզնես պատմություններ» գիրքը։ Դրանում իրական փաստերով ներկայացվել են տնտեսության տարբեր ոլորտներում ակնառու հաջողությունների հասած հայտնի ազդեցիկ գործարարների անկեղծ խոստովանությունները՝ ձախողումների, անկումների և վերելքների մասին։ Գիրքը հրատարակվել է երկու լեզուներով՝ հայերեն և անգլերեն։ Եզակի շտեմարանում գործարարները սեփական օրինակով պատմում են անցած ուղու, ձախողումների և մարտահրավերների մասին։ Գրքի բոլոր հերոսները՝ ավելի քան 105 գործարարները կենդանի հարցազրույցի ձևաչափով պատմել են իրենց պատմությունները։ Գիրքը զրոյական կետից խելացի բիզնես հիմնելու 105 տարբերակ է առաջարկում։ Հեղինակը ցանկացել է մեջբերել բիզես առաջնորդների հաջողության բանաձևերը և տալ բազմաթիիվ «ինչուների» պատասխաններ, որոնք ընթերցողների շրջանում կձևավորեն նոր աշխարհընկալում, կնպաստեն սեփական ներուժի վերարժևորմանը ու դեռևս չիրացված հնարավորութ ունների բացահայտմանը։ Հաջողության պատմությունների տողերի արանքում թաքնված են անհամար հետընթացներ և շրջադարձեր։ Այնպես, որ պետք է սովորել ընդունել ձախողումները, ոչ թե որպես վերջնակետ, այլ որպես նոր հաջողության սկիզբ, վեր բարձրանալու սանդուղքի աստիճան։