Ավագ դպրոցի 11-րդ դասարանի համաշխարհային պատմության դասագիրքը գրված է «Զանգակ» հրատարակչության մշակած հայեցակարգի և մոտեցումների հիմքով։ Դասագրքում ներկայացված են ծրագրային վեց թեմաներ, որոնք ժամանակագրական առումով ընդգրկում են հին աշխարհից մինչև մեր օրերն ընկած պատմությունը։ Ուսումնական նյութի առանցքում գիտական և տեղեկատվական շարադրանքն է, որի շուրջ ծավալվում են առաջադրանքները, գիտելիքի գործնական կիրառումը, խաչվող հասկացությունների և ենթահասկացությունների քննարկումները, դիրքորոշման և արժեքային համակարգի բացահայտումները և այլն։ Տրված են ծրագրով նախատեսված բոլոր թեմաներին վերաբերող եզրույթներն ու բառապաշարը։ Կարողունակությունների ձևավորման առումով դասագրքի յուրաքանչյուր թեմա ներառում է առաջադրանքների որոշակի խմբեր՝ «Հմտություններ» (պատմական նյութի ընկալման, վերլուծման, համեմատման, գնահատման գործողություններ), «Նպատակային խոսք» (ելույթների, տեսանյութերի, զեկուցումների, սահիկաշարերի պատրաստում ու ներկայացում և այլն), «Հետազոտական/նախագծային» (ինքնուրույն, հետազոտական և նախագծային առաջադրանքներ՝ անհատական և խմբային իրականացում), «Արժեք և վերաբերմունք» (տեսակետների և դիրքորոշումների արտահայտում) և այլն։