Ինչի մասին է գիրքը և ինչ կտա ձեզ Ծնողների կյանքում բազմաթիվ դժվար իրավիճակներ են լինում, երբ սովորական դարձած արձագանքման ձևերը չեն օգնում։ Գրքում անդրադարձել ենք տարբեր նմանատիպ իրավիճակների։ Երեխային մի քանի անգամ այս կամ այն բանն անել-չանելու վերաբերյալ դիտողություն ես անում, իսկ նա կարծես թե չի էլ լսում: Երեխային դաս անելու հարցում մոտիվացնելու միակ տարբերակը բարձր գնահատականների համար գումար կամ նվեր խոստանալն է: Ուսումնասիրում ես երեխայի վարքին արդյունավետ արձագանքելու մոտեցումները, սակայն ամեն երեկո համբերությունդ սպառվում է ու ի վերջո մոռանալով ամեն ինչ՝ գոռում ես նրա վրա: «Հաղորդակցման նոր լեզու երեխաների հետ» գրքում կգտնեք գործնական առաջարկներ այս և նմանատիպ շատ այլ իրավիճակներում արդյունավետ արձագանքելու համար: Գրքում կգտնեք օգտակար տեսական գիտելիքներ, ծնող-երեխա երկխոսությունների նկարազարդ օրինակներ, գործնական առաջադրանքներ և շատ ավելին։