Իմ գիրքը գրված չէ լացով. այն գրված է խաղաղության որոնումով: Երբ գրում եմ ցավից փրկվելու համար, տողերս կծու են դառնում, բայց ես գրում եմ ապրելու համար, և հենց դրա համար էլ տողերս շնչում են:
«Գաբի» գրքի պատմությունների մեջ ես կրում եմ մի ներքին հանգստություն նույնիսկ ամենածանր պահին: Ես խուճապ չեմ ստեղծում, ես ընտրություն եմ անում, և հենց այդ ընտրությունն է ինձ ուժ տալիս: Իմ գրելու մեջ ամենահետաքրքիրն այն է, որ ես գրում եմ որպես մայր, բայց նաև որպես վկա։ Ես ոչ միայն պատմում եմ, այլև արձանագրում: Ահա թե ինչու այս գիրքն ինձ համար պարզապես հուշ չէ, այլ ճանապարհ։
Ես չեմ փորձի դառնալ «ավելի գրական», որովհետև իմ ուժը ճշմարտությունն է: Այդ իսկ պատճառով գիրքը չի անցել խմբագրության, որ պահենք ամբողջ այն շունչը, որը ես զգում էի գրելու ընթացքում: Ես մենակ չեմ գրել այն. մշտապես զգացել եմ Գաբիի շունչն ու լույսը:
Ու եթե անկեղծ, հավատում եմ, որ այս պատմությունները մի օր շատերին կօգնեն ընտրել կյանքը:
Заказывай книги и получи быструю доставку в любую точку мира.
Подробнее об условиях доставки и способах оплаты смотрите здесь.
