Այս միհատորյակով ընթերցողն առաջին անգամ պիտի ծանոթանա Դավիթ Հովհաննեսի ստեղծագործական շուրջ 50 տարվա սկզբին ու ընթացքին: Տարիներ շարունակ բանաստեղծի ժողովածուները տպագրվել են աղճատված, խաթարված ու քարհանված` տարբեր պատճառներով, հիմնականում Գլավլիտի (գրաքննչության), ինչպես նաեւ որոշ խմբագիրների անողորմ ու անպատիժ ձեռքով: Այս ժողովածուում նախնական տեսքով վերականգնված են ոչ միայն հեղինակի առանձին բանաստեղծություններն ու բանաստեղծական շարքերը, այլեւ ամբողջացվել են ժամանակին արդեն իսկ լույս տեսած ժողովածուները, լրացվել համատեքստից դուրս մնացած (դուրս թողնված) բանաստեղծություններով։ Տարբեր տարիների հենց այդ ժողովածուներից եւ անտիպ թղթերից էլ ահա կատարվել է լայն ընտրություն եւ ի մի բերվել ներկա հատորում` հեղինակային ծանոթություններով ու տողատակերով (ըստ անհրաժեշտության)։