Գրքում ամփոփված են Լիպարիտյանի՝ հայոց արդի պատմության հանգուցային կետերի շուրջ հետազոտություններն ու մտորումները։ Հատորը կազմված է տասը հոդվածներից, որոնք հեղինակը գրել է 1980-ականներից 2020-ականներն ընկած ժամանակահատվածում։ Սրանց մեծ մասն առաջին անգամ հրապարակվել է անգլերեն և ժողովածուում ներկայացվում է թարգմանաբար։ Աշխատանքները հիմնականում անդրադառնում են 19-րդ դարի հայ քաղաքական մտքի պատմությանը՝ քննականորեն վերանայելով հայերի կյանքում հիմնարար տեղ ունեցող կազմակերպությունների դերը և նոր լույսի տակ դիտելով հայոց պատմությունը բեկող իրադարձությունները։ Հովհաննիսյան ինստիտուտի կողմից հրատարակված ներկա հատորը հինգերորդն է հեղինակի կողմից ներկայացվող հինգ հատորներից բաղկացած շարքի։ Հատորում տեղ գտած որոշ հոդվածներ ընթերցողին են ներկայացվում առաջին անգամ, իսկ որոշները առաջին անգամ հրապարակվում են հայերենով։