Գիրքը Արևմտյան Հայաստանի Սեբաստիանահանգի Կեմերեկ, Չաթ և շրջակա հայկական գյուղերի բնակչության1915-1920թթ. մղած հերոսական ինքնա- պաշտպանական պայքարի մասին է։ Չորս երկար տարիներ հայ ֆիդայական ջոկատները անձնվիրաբար պայքարեցին ցեղասպան թուրքերի դեմ` պաշտպանելով իրենց ինքնությունը, հավատը, իրենց հայրենիքը և հարազատներին: Շատերը զոհվեցին անհավասար գոյամարտում և հիմա հանգչում են Ագ-Դաղի սարերում` առանց շիրմաքարի: Փա՛ռք և խոնարհում մեր բոլոր նախկին և ներկա հերոսներին։ Գիրքը առաջին անգամ 1932 թվականին փոքր տպաքանակով հրատարակվել է Մարսելում և, ցավոք, մնացել է գրքի ընդամենը մի քանի օրինակ: Այն յուրահատուկ է, քանի որ գրվել է Ագ–Դաղի քառամյա գոյամարտին անմիջական մասնակցություն ունեցած երկու ֆիդայիների՝ Նազար Գաբիկեանի և Կիիլպենկ Գալուստեանի կողմից։ Անցել են երկար տարիներ։ Ներկա սերունդներին ներկայաց- նելու համար իրենց նախնիների փառավորանցյալը՝ գիրքը արևմտահայերենից փոխադրել, խմբագրել և կատարել եմ բովանդակային հավելումներ` այս պատմու- թյունն ավելի ամբողջական դարձնելու համար։