Բարի գալուստ «Զանգակ» գրատան պաշտոնական կայք: Պատվիրիր զանգ հիմա
Զամբյուղ

Աղախնի պատմությունը

Հայկ Ֆելեքյանի թարգմանությամբ «Զանգակ» հրատարակչությունը հրատարակել է Մարգրեթ Աթվուդի «Աղախնի պատմությունը» գրքի հայերեն թարգմանությունը:

Մարգրեթ Աթվուդը

Կանադացի անգլախոս գրող, բանաստեղծուհի, գրական քննադատ, բնապահպանության ակտիվիստ և ֆեմինիստ Մարգրեթ Աթվուդը համարվում է ժամանակակից ամենահռչակավոր գրողներից մեկը:

Հեղինակել է ավելի քան հիսուն անուն գիրք՝ վեպեր, պոեզիայի և պատմվածքների ժողովածուներ, գրաքննադատական աշխատություններ, մանկական ստեղծագործություններ և այլն:

Իր գրական կարիերայի ընթացքում Աթվուդն արժնացել է բազմաթիվ հեղինակավոր մրցանակների, այդ թվում՝ Բուքերյան (երկու անգամ), Կանադայի գեներալ-նահանգապետի, Արթուր Քլարկի անվան մրցանակներին, ինչպես նաև մի շարք ականավոր կոչումների:

Աթվուդի գրքերը թարգմանվել են տասնյակ լեզուներով և հրատարակվել ավելի քան քառասունհինգ երկրներում:

«Աղախնի պատմությունը»

   Մարգրեթ Աթվուդի «Աղախնի պատմությունը» վեպը ոչ միայն 20-րդ դարի ամենանշանավոր գրական ստեղծագործություններից է, այլև սարսափազդու, բայց և իրատեսական նախազգուշացում հավանական ապագայի մասին: Ի՞նչ տեղի կունենա, եթե իշխանության գան կրոնական ծայրահեղականները: Ինչպե՞ս կփոխվի աշխարհը, եթե կանայք սկսեն համարվել միայն ու միայն սերունդը շարունակելու միջոց՝ իշխող տղամարդկանց համար: Աթվուդը, մեծագույն վարպետությամբ միահյուսելով իրականությունն ու հորինվածքը, ստեղծում է դիստոպիկ ապագայի մի համոզիչ պատկեր, որն իրավամբ դասվում է մեր ժամանակի հզորագույն և ամենաընթերցվող վեպերի շարքում:

«Ապագա Գրադարան» նախագիծ

Իր «Գրչակ Լուսին» վեպով Աթվուդը հանդիսանում է առաջին ներդրում ունեցողը Ապագա Գրադարան նախագծում։ Աշխատանքը ավարտվեց 2015 թվականին և ծիսականորեն հանձնվեց նախագծին նույն թվականի մայիսի 27-ին: Գիրքը կմնա նախագծի պահպանման ներքո, մինչ այն հանդիսավոր կհրատարակվի 2114 թվականին: Նա մտածում է, որ ընթերցողները, հավանաբար պալեոանտրոպոլոգի կարիք կունենան, որպեսզի թարգմանեն իր պատմության որոշ հատվածները։ Գվարդիան թերթին տրված հարցազրույցում Աթվուդն ասել է. «Ինչ- որ մի կախարդական բան կա սրա մեջ: Սա նման է «Քնած Գեղեցկուհուն»: Այս տեքստերը պատրաստվում են ննջել 100 տարի, սակայն նրանք կարթնանան, կյանքի կգան նորից: Դա մի հեքիաթային ժամանակահատված է: Նա քնել է 100 տարի»։

Քեզ կհետաքրքրի նաև