Պատվիրի՛ր գրքեր, ստացի՛ր արագ առաքում: Պատվիրիր զանգ հիմա
Զամբյուղ
Պատմություն

«Զանգակ» ընկերությունը հիմնադրվել է 1997 թ. Մկրտչյանների ընտանիքի կողմից: Սկզբում «Զանգակ»-ը միայն հրատարակչություն էր, սակայն 2012 թ. Կոմիտասի պողոտայում բացվում է առաջին «Զանգակ» գրատունը, և սկսվում է նոր պատմություն՝ համեմված հազարավոր ընթերցողներով, գրքերով, դեպքերով ու իրադարձություններով:

Իր գործունեության ողջ ընթացքում «Զանգակ» գրատունն իրագործել է բազմաթիվ մշակութային և կրթական ծրագրեր ու նախագծեր, ունեցել է բազմաթիվ հանդիպումներ ամենասիրված գրողների և մշակութային գործիչների հետ (հավանաբար ձեզանից շատերի երազանքների հանդիպումը տեղի է ունեցել հենց «Զանգակ»-ում), հազարավոր փոքրիկներ իսկական ընթերցողներ են դարձել հենց «Զանգակ» գրատան շնորհիվ: Եվ սա դեռ սկիզբն է:

Այժմ մենք ստեղծել ենք www.zangakbookstore.am կայքը, որի շնորհիվ ընթերցողները հնարավորություն կունենան ծանոթանալու մեր ցանցում առկա բոլոր գրքերին, տեղյակ կլինեն ոլորտի նորություններին և, վերջապես, աշխարհի ցանկացած կետում կստանան իրենց նախընտրած գրքերը՝ առաքման լավագույն պայմաններով:

«Զանգակ» գրատան թիմը

Էլ ի՞նչ «Զանգակ» գրատուն առանց զանգակցիների. «Զանգակ» գրատունը միավորել է ինտելեկտուալ և առանձնահատուկ մարդկանց, ոլորտի լավագույն մասնագետներին՝ գրքի շուկան էլ ավելի լավը դարձնելու համար: Մենք վերապատրաստվում ենք, սովորում և շատ կարդում, որպեսզի իրագործենք մեր գլխավոր նպատակներից մեկը՝ ստեղծել և տարածել ընթերցանության լավագույն մշակույթ Հայաստանում և դրա սահմաններից դուրս:

Շահեն Մկրտչյան «Զանգակ» գրատների ցանցի գործադիր տնօրեն

«Զանգակ» գրատների ցանցի ստեղծման և գործունեության հիմքում մենք ունեցել ենք մի գերնպատակ՝ հայալեզու գրքի տարածում: Մեր կազմակերպության առջև դրված այս նպատակը մեր թիմը իրագործում է ամեն օր՝ բազմաթիվ ծրագրերի և նախագծերի շնորհիվ խրախուսելով և տարածելով ինչպես ընթերցանության մշակույթը, այնպես էլ գրքի ձեռքբերումը, տարածումը և գնահատումը:

Մեր կազմակերպության կայացման կարևոր գործոններից մեկը մեր թիմն է: Մենք կարողանում ենք գտնել և ներկայացնել հետաքրքիր, զարգացած և առանձնահատուկ հայ երիտասարդների: Մենք համոզված ենք, որ նրանք շատ կարևոր տեղ ու դեր ունեն և կունենան մեր երկրի զարգացման գործում, և անում ենք հնարավորը, որ ամեն ինչ սկսվի հենց Զանգակից:

 

 Գրքի գնման գործընթացը ժամանակակից մարդու համար պետք է լինի շատ հարմարավետ. սա սկսվում է սրահներից, կահավորումից և գրքերի դասավորությունից մինչև կայք և սպասարկում: Մեր նպատակն է գրքի գնումը դարձնել թե՛ ժամանց, թե՛ անհրաժեշտություն: Մեր առջև դրված խնդիրների մի մասը մենք լուծում ենք նորագույն տեխնոլոգիաների կիրառմամբ և այս պրոցեսը շարունակելու ենք՝ զարմացնելով և հիացնելով մեր  հաճախորդներին:

Փնտրիր մեզ
Աբովյան

ՀՀ, 0001, ք. Երևան, Աբովյան 7
Երկ.-կիր., ժ. 10:00-22:00

Կոմիտաս

ՀՀ, 0051, ք. Երևան, Կոմիտասի պողոտա 49/2
Երկ.-շաբ., ժ. 09:00-20:00

Մեգամոլ

ՀՀ, 0062, ք. Երևան, Գայի պող. 16, 
«Մեգամոլ Արմենիա» 2-րդ հարկ
Երկ.-կիր., ժ. 10:00-22:00

Դալմա գարդեն մոլ

ՀՀ, 0082, ք. Երևան,
Ծիծեռնակաբերդի խճ. 3,
«Դալմա գարդեն մոլ», 2-րդ հարկ, «Սինեմա սթար»
Երկ.-կիր., ժ. 10:00-22:00

Ռիո մոլ

ՀՀ, 0012, ք. Երևան, Փափազյան 8, «Ռիո մոլ»,
2-րդ հարկ, «Սինեմա սթար»
Երկ.-կիր., ժ. 10:00-22:00