1330-Ա/2 հրամանի համաձայն՝ ԿԳՄՍ նախարարությունը հաստատում և երաշխավորում է այս ուսումնական նյութի գործածությունը։ zangak.sharepoint.com/:b:/s/e-resourses/IQCsDEXBBlElRasJMFoPnzlIAf7kZ5pinlmt2qLMtrxJMzs?e=LgeLaI9-րդ դասարանում «Արվեստ» առարկայի դասավանդումը կազմակերպելու համար «Զանգակ» հրատարակչությունն առաջարկում է «Արվեստ 9» աշխատանքային տետրը, որը երաշխավորված է ՀՀ կրթության, գիտության, մշակույթի և սպորտի նախարարության կողմից։ Տետրը ստեղծվել է որպես դասագրքին այլընտրանք՝ մեկտեղելով թեմաների ուսումնասիրության համար անհրաժեշտ տեսական բովանդակությունն ու գործնական աշխատանքները։ Առանձին դասագրքի բացակայության պայմաններում այն հատկապես օգտակար է այն դպրոցների համար, որոնք նախորդ դասարաններում ընտրել և դասավանդել են «Արվեստ» ինտեգրված առարկան և ցանկանում են ապահովել ուսումնառության շարունակականությունը նաև 9-րդ դասարանում։ Տետրում արվեստը դիտելու, լսելու, քննարկելու, փորձարկելու և ստեղծելու հնարավորություն է։ Սովորողները ծանոթանում են կերպարվեստի, երաժշտության, թատրոնի, պարի, դեկորատիվ–կիրառական արվեստի, կինոյի և մեդիա արվեստի տարբեր դրսևորումներին, բացահայտում դրանց փոխադարձ կապերն ու արտահայտչամիջոցները։ Տեսական նյութը զուգորդվում է բազմաբնույթ գործնական առաջադրանքներով․ սովորողները ուսումնասիրում և մեկնաբանում են արվեստի ստեղծագործություններ, համեմատում տարբեր մոտեցումներ, ստեղծում սեփական աշխատանքներ, մասնակցում խմբային քննարկումների և իրականացնում ստեղծագործական ու թվային նախագծեր։ Առաջադրանքներին կից ներկայացված են անհրաժեշտ նյութերն ու կատարման քայլերը՝ օգնելով ուսուցչին կազմակերպել աշխատանքը, իսկ սովորողին՝ ինքնուրույն առաջ շարժվել։ Տետրի կարևոր բաղադրիչներն են ակնկալվող վերջնարդյունքներն ու ինքնագնահատումը։ Դրանք սովորողին օգնում են անդրադառնալ սեփական աշխատանքին, հասկանալ՝ ինչ է սովորել, ինչ է կարողացել կիրառել և որ հմտությունները դեռ պետք է զարգացնի։ Ուսուցչի համար տետրը գործնական հենք է՝ տեսական նյութի ներկայացման, ստեղծագործական աշխատանքների, քննարկումների և նախագծերի կազմակերպման համար։ Իսկ սովորողի համար այն դառնում է նաև սեփական ստեղծագործական ուղու արձանագրություն՝ գաղափարներով, փորձարկումներով, դիտարկումներով և ստեղծած աշխատանքներով։