Գիրքը Օսմանյան Կայսրության մայրաքաղաք Կոստանդնապոլսից ԱՄՆ՝ Չիկագո հասած թուրք կլառնետահար Օսմանի, նրա հայ ընկեր Գեւորգի եւ նրա հայուհի սիրելիի՝ Մելինեի ու նրանց սերունդների պատմության մասին է։ Ընթերցողը կտեղափոխվի 19-րդ դարի վերջի օսմանյան գինետներ, ապա ամերիկյան նորաստեղծ ջազակումբներ, որտեղ արկածներին, մարդկային կյանքին, ողբերգություններին ու դարավերջի բարքերին նվագակցում են արեւելյան դասական երաժշտության ու ամերիկյան ջազի գրավիչ հնչյունները։