Գիրքը նվիրված է հայ ժողովրդական զրույցներում և հավատալիքային համակարգում առկա ստորին առասպելաբանական կերպարներից չար ոգիների համակողմանի և բազմաշերտ ուսումնասիրությանը: Չար ոգիների քննությունը կատարվում է միջգիտակարգային հարթության վրա՝ համադրելով պատմագիտական, լեզվաբանական, կրոնագիտական, տոմարագիտական և այլ բնույթի տվյալներ։ Գրքում մանրամասն վերլուծության են ենթարկվել չար ոգիների գործառույթները, նրանց ծագումնաբանության խնդիրը, աշխարհագրական տարածվածությունն ու բարբառային անվանաձևերի բազմազանությունը, ինչպես նաև՝ ոգիների ազդեցությունից պաշտպանվելու ժողովրդական կանխարգելիչ միջոցները, կերպարանափոխության դրսևորումները և մի շարք այլ հարցադրումներ։ Գիրքը նկարազարդ է, ունի չար ոգիների տեղաբաշխվածության քարտեզներ, կերպարների անունների բառարան, բացատրական բառարան, այլ ցանկեր։ Նախատեսված է ինչպես բանագետների, ազգագրագետների և հայագիտությամբ զբաղվող այլ մասնագետների, այնպես էլ ընթերցող լայն շրջանակի համար։
Պատվիրի՛ր գրքեր և ստացիր արագ առաքում աշխարհի ցանկացած կետում:
Ավելի մանրամասն առաքման պայմանների և վճարման տարբերակների մասին տե՛ս այստեղ:
