«Հավերժական շարժում» ժողովածուն փորձ է նորից խոսելու Փարաջանովի բուռն ու մեծ ցնցումներով լեցուն կյանքի մասին, որն իր անձն ու արվեստը պարուրող առասպել է:
Գրքում ընդգրկված են ռեժիսորի կյանքի և գործունեության տարբեր փուլերին, բարեկամական և ստեղծագործական կապերին վերաբերող նյութեր, ելույթներ:
Ընտրանիում Փարաջանովի գեղագիտական սկզբունքները, հայացքներն ու մոտեցումներն ամբողջացնող տեքստեր են: Այստեղ ռեժիսորն արձանագրում է հեղինակային կինոյի իր ընկալումները, գեղարվեստական սկզբունքներն ու հավատամքը՝ որոշակի իմաստով գրելով ստեղծագործական մանիֆեստ:
Ընդգրկված են նաև ժամանակակիցների էսսեներն ու հուշերը, կարևոր դրվագներ Փարաջանովի կյանքից, ինչպես նաև հարցազրույցներ այն արվեստագետների հետ, որոնք կինոպոետի հետ տարիների բարեկամությամբ կապված լինելու բախտ են ունցել։
«Հավերժական շարժում»-ը տարբեր դիտանկյուններից ներկայացնում է համաշխարհային մշակույթին ու գեղարվեստական մտածողությանը փարաջանովյան դարաշրջանի թողած ազդեցությունը և շարունակում փնտրել առայսօր հնչող հարցի պատասխանը՝ ո՞վ էր Փարաջանովը՝ կինոպոե՞տ, գեղեցկության մոգ, չհասկացված գեղագետ, հնավաճառ, հեքիաթասաց, աճպարար, նկարիչ, հալածյալ հրեշտակ, քաղաքական այլախոհ, թե՞ պարզապես «ամենաանազատ երկրի ամենաազատ մարդը»:
Order books and get fast delivery anywhere in the world.
For more information about the terms of delivery and payment methods, see here.
