1524-Ա/2 հրամանի համաձայն՝ ԿԳՄՍ նախարարությունը հաստատում և երաշխավորում է այս ուսումնական նյութի գործածությունը։
Ժողովածուն նախատեսված է 3-րդ դասարանի ֆրանսերենի ուսումնական գործընթացում յուրաքանչյուր թեմայի ավարտին ամփոփիչ գնահատում իրականացնելու համար՝ հիմնվելով առարկայական չափորոշչով և ծրագրով սահմանված վերջնարդյունքների և սովորողի բնութագրիչների վրա։
Ի տարբերություն գործնականում կիրառվող ամփոփիչ գնահատման թեստերի, որոնք ստուգում են միայն սովորողի քերականական գիտելիքներն ու թեմատիկ բառապաշարի յուրացումը՝ սույն ժողովածուի թեստերն ուղղված են լեզվական հիմնական հմտությունների՝ լսել և հասկանալ, կարդալ և հասկանալ, խոսել (փոխազդեցություն և արտահայտում) և գրել (գրավոր խոսք), գնահատմանն ու զարգացմանը։
Առաջադրանքները կառուցված են պարզից դեպի բարդ սկզբունքով, ինչը թույլ է տալիս վերհանել սովորողի գիտելիքների թե՛ մակերեսային, թե՛ խորքային շերտերը: Առաջադրանքների տիպերն առանձնացված են համապատասխան պայմանական նշաններով։
Յուրաքանչյուր թեստի անբաժանելի մասն են կազմում գնահատման երկու սանդղակները: Առաջին սանդղակը նախատեսված է սովորողի ինքնագնահատման, երկրորդ սանդղակը՝ ուսուցչի համար։ Սխալների համատեղ քննարկումը և սանդղակների լրացումը թույլ են տալիս ճշգրտել յուրաքանչյուր սովորողի անհատական հետագիծը և պլանավորել հետագա աշխատանքը:
Ամփոփիչ գնահատման սանդղակի բնութագրիչներն ու վերջնարդյունքները սահմանված են այնպես, ինչպես առարկայական ծրագրում և էլեկտրոնային մատյանում առկա սովորողի բնութագրիչներում։ Սա հնարավորություն է տալիս թեստերի արդյունքները հաջողությամբ տեղափոխել սովորողի բնութագիր։
Ամփոփիչ գնահատման թեստերի ժողովածուն առկա է երկու տարբերակներով (Տարբերակ Ա, Տարբերակ Բ), որոնք կիրառելի են ամբողջ ուսումնական տարվա համար։
Order books and get fast delivery anywhere in the world.
For more information about the terms of delivery and payment methods, see here.
