Միխալ Այվազը արդի չեխական գրականության ակնառու դեմքերից է, որի ստեղծագործությունները նոր թեմատիկայով, հայեցումով ու ընդգրկումներով են հարստացրել իր հայրենի բանարվեստը: Նրա առավել հայտնի ու նշանակալից գործը «Այլ քաղաք» ֆանտասմագորիկ վեպն է` իրականի ու երեւակայականի, առասպելականի ու փիլիսոփայականի սերտ ու գրավիչ միահյուսումներով։ Վեպի հետ հայ ընթերցողին է ներկայացվում նաեւ հեղինակի «Զենոնի պարադոքսները»` նույնպես զարմանահրաշային պատումով վիպակը: