Վահագի քննասիրությունը նրան անսպասելիորեն ներքաշում է գանձախուզության՝ սրընթաց զարգացող արկածների մեջ։ Գերբնական զորություններ խոստացող գանձերը գտնելու համար հերոսն իր հավատարիմ ընկերոջ հետ ստիպված է լինում լուծել բազում առեղծվածներ ու բացահայտել թաքնախորհուրդ եղբայրության կողմից հազարամյակներ իվեր մայրաքաղաքում կոծկած դարավոր գաղտնիքները։ Գաղտնազերծված առեղծվածների տված գիտելիքները մեկընդմիշտ փոխում են նրանց իրականությունը ու աշխարհընկալումը՝ դրդելով ընկերներին վտանգավոր, բայց գրավիչ հակամարտության, որը շարունակվում է հազարամյակներ ու պիտի ավարտվի իրական բարու հաղթանակով։ Հերոսների հետ ճանապարհորդի՛ր ժամանակի հոսքով դեպի անցյալի գաղտնիքները, գտի՛ր Զօրաց Գանձերը, քողազերծի՛ր պահապան հսկաներին, բացահայտի՛ր իրականության սքողված դարձերեսը ու ձևավորի՛ր ապագայի նոր իրականությունը քո պատկերացմամբ։ Ժանրերը՝ Գիտաֆանտաստիկ, կոնսպիրատիվ, էզոթերիկ, դետեկտիվ, քվեսթ։