Եկեղեցական հայրերը, հիմնվելով Աստվածաշնչի և առաքյալնե-րից ժառանգած սրբազան ավանդության վրա, կարևոր ու յուրօրինակ առաքելություն են վերագրում ընտանիքին՝ նմանեցնելով այն եկեղեցուն, արժևորելով նրա դերակատարությունը մասնավորապես՝ հասարակական, հոգևոր-եկեղեցական ու մշակութային կյանքում: Ընտանիքի հայեցակարգը տրվում է Աստվածաշնչի հենց սկզբում. մարդն Աստծուն տեսնում է իր նմանի միջոցով: Բազում են վկայություններն առ այն, որ Աստծո արարչագործությունը ևս իրականանում է հենց ընտանիքի համապատկերում։ Ընտանիքն Աստծուց տրված նվիրական պարգև է, մասնահատուկ առաքելությամբ՝ սիրո և հավատքի սրբազան տաճար, որի երաշխավորը Տերն Ինքն է:
Պատվիրի՛ր գրքեր և ստացիր արագ առաքում աշխարհի ցանկացած կետում:
Ավելի մանրամասն առաքման պայմանների և վճարման տարբերակների մասին տե՛ս այստեղ:
