Ուղղագրական դոմինոն խաղ է՝ նախատեսված 1-8 խաղացողների համար, որի ընթացքում կազմվում է խաղաքարտերի շղթա, որտեղ յուրաքանչյուր հաջորդ խաղաքարտ սկսվում է նախորդում եղած ուղղագրական արժեք ներկայացնող բառի գրության մեջ բաց թողնված տառով և առաջարկում է մի նոր ուղղագրական բառ՝ դարձյալ տառաբացթողումով: Խաղը հնարավորություն է տալիս զարգացնելու մասնակցի՝ ոչ միայն ինքնակառավարման, հաղորդակցական, վերլուծական և մարտավարական հմտությունները, այլ նաև՝ հայերենի ուղղագրության իմացությունը՝ ապահովելով հետաքրքիր և արդյունավետ ժամանց: Այս սեղանի խաղը նախատեսված է հատկապես կրտսեր և միջին դպրոցականների համար, սակայն կարող է հանդիսանալ նաև ընտանեկան ժամանցի ապահովման հիանալի միջոց :  Տարիքը՝ 8+  Մասնակիցների քանակը՝1-8  Խաղի տարբերակներ՝ 2 խմբային, 2 անհատական  Ընդգրկված տառեր՝ 8 (բ,գ,դ,հ,ձ,ղ,ջ,և) Տուփում ներառված են՝  66 խաղաքարտ  Ուղղագրական նկարազարդ բառագիրք (540 բառ)  Ուղեցույց Խաղի առաքելությունը՝ զարգացնել մտքի ճկունությունը, ուշադրությունը, հիշողությունը, մարտավարական հմտությունները: Խաղի նպատակը՝ ամրապնդել հայերենի ուղղագրության իմացությունը: