Աշխատությունում քննարկվում են «ուղեղային կենտրոն» հասկացության սահմանման, տիպաբանության, գործառույթների եւ քաղաքական գործընթացներում դերակատարության հետ կապված հիմնահարցերը: Ներկայացվում է ուղեղային կենտրոնների գենեզիսն ու ոլորտի էվոլյուցիան: Վերլուծվում են տարբեր երկրներում ուղեղային կենտրոնների ոլորտի առանձնահատկություններն ու զարգացման արդի միտումները։ Միջազգային առաջավոր փորձի ուսումնասիրության հիման վրա դիտարկվել են փորձագիտական-վերլուծական կառույցների ազդեցության մեխանիզմները որոշում կայացնողների եւ հասարակական կարծիքի ձեւավորման վրա, պետություն–ուղեղային կենտրոններ փոխգործակցության մեխանիզմները, ինչպես նաեւ քաղաքականության մշակման եւ իրականացման գործընթացում այդ հաստատությունների ներուժի օգտագործման հնարավորությունները: Անդրադարձ է կատարվում նաեւ Հայաստանի ուղեղային կենտրոնների ոլորտի առջեւ ծառացած մարտահրավերներին եւ զարգացման հնարավորություններին։ Աշխատությունը նախատեսված է քաղաքագետների, միջազգայնագետների, պետական ծառայողների, քաղաքականության ոլորտում որոշում կայացնողների եւ ընթերցող լայն շրջանակների համար։