Գրքում վերլուծության առարկա են տնտեսական անվտանգության ապահովմանը և ազգային տնտեսության մրցունակության բարձրացմանը միտված երկրի տնտեսական դիվանագիտության ռազմավարական հիմնահարցերը: Ուսումնասիրվել են վերջինիս հաստատութենական՝ ինստիտուցիոնալ հիմքերը, այս ասպարեզում պատմական Հայաստանի առավել արժեքավոր ձեռքբերումները, տնտեսական դիվանագիտության կազմակերպման և գործիքակազմի արդյունավետ կիրարկման միջազգային փորձը, ինչպես նաև պետության, մասնավոր հատվածի և փորձագիտական հանրության դերը։ Ուսումնասիրությունն ամփոփվում է Հայաստանի Հանրապետությունում տնտեսական դիվանագիտության արդյունավետության բարձրացման հեռանկարների, զարգացման հնարավոր սցենարների և կանխատեսումների ներկայացմամբ: Իր գիտական և գործնական ուղղվածությամբ գիրքը նախատեսված է երկրի օրենսդիր և գործադիր մարմինների, գործարարների, փորձագետների և դինամիկ փոփոխվող աշխարհում Հայաստանի և հայության տնտեսական խնդիրներով մտահոգ լայն շրջանակների համար: Գրքի տարբեր հատվածներ կարող են օգտագործվել համապատասխան հղումների պարագայում: