Ֆիլիպ Մինիանան ֆրանսիական ժամանակակից դրամատուրգիայի յուրահատուկ ձայներից է, որի պիեսները համադրում են խոսքի ռիթմը, հիշողության հոսքը և դրամատիզմը: Նրա գործերում մշուշվում են անցյալի ու ներկայի սահմանները, հերոսները խոսում են ոչ միայն միմյանց, այլև հիշողությունների հետ, անցնում լռության միջով, որտեղ ձուլվում են իրականությունն ու ֆանտասմագորիան:
Ժողովածուն ներառում է «Սիրո մասին», «Ահա» և «Միջանցք» պիեսները, որ տարբերվում են փիլիսոփայական խորությամբ, մարդաբանական հայացքով և պոետիկայով։ Հեղինակը երևակում է ընտանիքի, սիրո, կորստի և հասարակական ճնշման թեմաները՝ ստեղծելով մասնավոր, բայց և համընդհանուր կերպարներ:
Երազի և մղձավանջի սահմանագիծ է բեմի և հիշողության վարպետի թատերական աշխարհը, որ խուսափում է սյուժեի ավանդական կառուցվածքից և հիմնվում կերպարների ներքին երկխո սության ու մթնոլորտային լարման վրա:
Մինիանայի պիեսները կոտրում են ժամանակի և տարածության ավանդական ընկալումը՝ վերածելով բեմը ձայների ու պատումների խաչմերուկի: Հեղինակը քանդում է հիշողությունը և վերակառուցում, քննում ընտանիքի և ինքնության խզված կապերը, մերօրյա աշխարհի էմոցիոնալ ասպեկտները: Գիրքն ընթերցողին առաջարկում է մտորել մարդու ներսում և նրա շուրջ կատարվող դրամաների մասին:
Պատվիրի՛ր գրքեր և ստացիր արագ առաքում աշխարհի ցանկացած կետում:
Ավելի մանրամասն առաքման պայմանների և վճարման տարբերակների մասին տե՛ս այստեղ:
