«Շիրակի պատմամշակութային հուշարձանները» գրքի նպատակն է հանրահռչակել Շիրակ աշխարհի պատմամշակութային հարուստ ժառանգությունը, որը կերտվել է մեր տաղանդավոր վարպետների ձեռամբ ու անզուգական մտքով: Հեղինակն իր այս գրքով ընթերցողների լայն շրջանակների դատին է հանձնում Շիրակ աշխարհում կառուցված հուշարձանների պատմությունը: Գրքում ներկայացված են Շիրակի հուշարձանային ժառանգությունը՝ որպես հայ ժողովրդի նյութական մշակույթի վիթխարի ժառանգության բաղկացուցիչ: Հազարամյակների ընթացքում Հայաստանում, ներառյալ նաև Շիրակում կառուցված պատմաճարտարապետական բարձրարժեք բազում հուշարձան-կոթողները համամարդկային քաղաքակրթության անբաժանելի մասերից են: Հայրենաճանաչության հենց այդ կարևոր նպատակին է ծառայելու «Շիրակի պատմամշակութային հուշարձանները» գիրքը: Միևնույն ժամանակ հեղինակը գրքում բարձրացնում է հուշարձանների պահպանության անհրաժեշտության և այդ հոգևոր հարուստ ժառանգությունն ապագա սերունդներին փոխանցելու հարցերը:
Պատվիրի՛ր գրքեր և ստացիր արագ առաքում աշխարհի ցանկացած կետում:
Ավելի մանրամասն առաքման պայմանների և վճարման տարբերակների մասին տե՛ս այստեղ:
