Դեֆնե Սումանը ծնվել է 1974 թ-ին, մեծացել Պրինկիպո կղզում: Բոսֆորի համալսարանում ստացել է սոցիոլոգիայի մագիստրոսի կոչում: Հետագայում ուսումը շարունակել է ԱՄՆ-ում՝ Օրեգոն համալսարանում: Սումանի վեպերում արծարծվում են այնպիսի թեմաներ, ինչպիսիք են հավաքական մոռացությունն ու հիշողությունը, անձնական ու սոցիալական տրամվաները, ինքնությունը: Նրա գրքերում նաև տեղ են գտնում ազգային փոքրամասնությունների արտաքսման և տեղահանման թեմաները:
2011 թ-ին Դեֆնեն հրատարակում է իր առաջին ճամփորդական գրառումների ժողովածուն՝ «Կապույտ անտառը»: 2015 թ-ին Դեֆնե Սումանը հրատարակում է «Փոխառված ժամանակներ» վեպը, որտեղ նկարագրում է կոսմոպոլիտ Օսմանյան Զմյուռնիայի կործանումը: Գործը նույն օրը լույս է տեսնում նաև Հունաստանում՝ «Շահրազադի լռությունը» վերնագրով: Վեպը թարգմանվել է 27 լեզուներով:
1905-ին ծնված Շահրազադի՝ մի ամբողջ դար ձգվող կյանքի պատմությունը հյուսվում է տարբեր կանանց ճակատագրերին՝ բացահայտելով նրանց կապող գաղտնիքը: Սիրո, կորստի, կարոտի ու պատմական աղետի մասին այս վեպը վերակենդանացնում է մի աշխարհ, որն անհետացավ Զմյուռնիայի հրդեհի բոցերում:
Պատվիրի՛ր գրքեր և ստացիր արագ առաքում աշխարհի ցանկացած կետում:
Ավելի մանրամասն առաքման պայմանների և վճարման տարբերակների մասին տե՛ս այստեղ: