Իբրև կենսափիլիսոփայական ձեռնարկ՝ «Սասնա ծռեր» էպոսի կարգականոնում ուղերձ-խրաները բազմազան են ու տարաբնույթ։ Դրանք կարոտ են մեկիկ-մեկիկ վերծանման ու բանաձևման, պրակ-պրակ լուսաբանման և քարոզի։ Այս պրակաշարի առաքելությունն է, կենսափիլիսոփայական լույսի ներքո, բանաձևել Սասնա ծռեր ազգային կտակարանի մի քանի պատգամախոս հատվածներ։ Առաջին պրակն ամփոփում է մաքրարյունության և օտարամերժության օրենքները չխախտելու մասին խրատները։