Նոն ֆինիտան խախտում է իրականի սահմանը, որտեղ մշտապես գործում է երևա - կայության տարրը։ ՀՀ ժողովրդական արտիստ Ռաֆայել Քոթանջյանի կյանքը միջնորդված է և՛ ավարտուն և՛ միտումնավոր անավարտ ու խորհրդավոր կերպարներով, որոնք կերտված են անկեղծությամբ և բեմական ինքնատիպությամբ: Խաղային տարերքը մարդուն տրված է բնությունից՝ որպես ինքնաբուխ մի կիրք, բայց քչերին է հաջողվում պահպանել ու զարգացնել խաղի արվեստը և դառնալ թատրոնի ծառան: Գիրքը ընթերցողի համար կբացահայտի դերասանի կենսագրական հետաքրքրաշարժ դրվագները, նրա ստեղծագործական գործունեությունը՝ իր ամբողջ ընթացքով: Գրքում ներկայացված են նաև տարբեր առիթներով դերասանի արվեստն ու մարդկային էությունը գնահատող արվեստագետների խոսքեր։