Ժողովածուն ներառում է ֆրանսիացի ժամանակակից դրամատուրգների՝ Նատալի Ֆիլիոնի, Ժընըվիև Դամասի և Աստրիդ Բայի հայի պիեսները։ Հեղինակները ներկայացնում են նոր սերնդի դրամատուրգիան, որն աչքի է ընկնում թարմ մտածողությամբ, կենդանի լեզվով և ժամանակի զգացողությամբ: Նրանց ստեղծագործությունները բացահայտում են մարդու ներաշխարհի բարդ շերտերը, առօրեական կյանքի և հասարակական հարաբերությունների նուրբ ու երբեմն ցավոտ դրսևորումները: Պիեսները քննում են անհատի փոխհարաբերությունը շրջապատի հետ, օգնում ինքնության որոնմանը՝ ցույց տալով, թե ինչպես են առօրյա մանրուքները ձևավորում մարդու հոգեվիճակը, վարքն ու աշխարհընկալումը։ Ժողովածուի պիեսները չեն հետևում դասական դրամատուրգիայի կառուցվածքային կանոններին. գործողության ընթացքը հաճախ դինամիկ է, ասոցիատիվ կամ ֆրագմենտալ: Սակայն հենց այդ ազատությունն ու անկանոնությունն է նրանց ուժը, որ ընթերցողին և հանդիսատեսին ներգրավում է դրամատուրգների ստեղծած շնչող աշխարհի մեջ։ Սա թատրոն է առանց սահմանների, և այդ անսահմանությանը զուգահեռ միաժամանակ մտորումների ու զգացմունքների շատ հստակ տարածք։