«Միջազգային մատրիցա» գիրքը զրույց է վերլուծաբան, «Ճոճանակ», «Ճոճանակ-2», «Խոշորացույց. մենք և հարևանները» և «Աշխարհաքաղաքական գրավիտացիա» գրքերի հեղինակ Կարեն Բեքարյանի հետ: Գիրքն անդրադառնում է արտաքին քաղաքականությանն ուղղակի կամ անուղղակի առնչվող բազմակողմ ձևաչափերին՝ ամբողջացնելով հեղինակի՝ Հայաստանի արտաքին քաղաքականության գերակայություններին վերաբերող շարքը։ Գրքի առաջին գլուխն՝ անդրադառնում է Հայաստան-միջազգային կազմակերպություններ հարաբերություններին, դրանց կարևորությանը, փոփոխվող աշխարհում միջազգային կազմակերպությունների առաքելությունների և իրական քաղաքականության անհամապատասխանություններին: Երկրորդ գլխում դիտարկվում է խորհրդարանական դիվանագիտությունը՝ իր ինստիտուտներով, հնարավորություններով և գործիքակազմով, Հայաստանի արտաքին քաղաքականության համատեքստում իր դերով և նշանակությամբ: Երրորդ գլուխը դիտարկում է հանրային դիվանագիտությունը՝ իր յուրահատ կություններով, շատ դեպքերում լիարժեք չբացահայտված ներուժով, ներառակա նությամբ, կայացման և զարգացման խնդիրներով: Գրքի չորրորդ գլուխը նվիրված է ՀՀ-Սփյուռք հարաբերություններին, դրանց զարգացման և ինստիտուցիոնալ կայացման խնդիրներին, աշխարհով մեկ սփռված հայկական համայնքների և Հայաստանի ու մեր հանրության փոխադարձ ակնկալիքներին (դրանց համարժեքությանը), փոխլրացման, և անհրաժեշտության դեպքում՝ փոխօգնության խնդիրներին: Գլուխներից յուրաքանչյուրն ավարտվում է հեղինակի ներկայացրած տես-լականով։ Գիրքը նախատեսված է քաղաքագետների, միջազգայնագետների, քաղաքական գործիչների, պետական ծառայողների, հետազոտողների, լրագրողների, ինչպես նաև ՀՀ արտաքին քաղաքականությամբ հետաքրքրված ոչ մասնագիտական լսարանի համար: