Ուսուցանող և թեմատիկ գրավորների տետր-հարցարանը հասցեագրված է հանրակրթական դպրոցի 5-րդ դասարանի «Մայրենի» միասնացված առարկան ուսումնասիրող աշակերտներին: 5-րդ դասարանի առաջին կիսամյակի (շաբաթական՝ 7 ժամ) համար նախատեսված հայտորոշիչ ու թեմատիկ գրավոր աշխատանքները կազմված են առարկայական նոր չափորոշչի, ծրագրի պահանջներին ու դասագրքի կառուցվածքին համապատասխան՝ տարամակարդակ սկզբունքով: Առաջին կիսամյակի համար կազմված տետր-հարցարանը ներառում է 5 թեմատիկ հարցաշար, մեկական թելադրություն ու փոխադրություն, որոնց նախորդում է 2-ական ուսուցանող գրավոր աշխատանք: Հայտորոշիչ գրավոր աշխատանքները բաղկացած են 4 կամ 5 առաջադրանքից, իսկ թեմատիկ հարցաշարերը՝ 10 առաջադրանքից: