«Մարդկային պատմություններ» գիրքը ֆրանսիական ժամանակակից թատրոնի նշանավոր դրամատուրգ Քզավիե Դյուրանժեի պիեսների ժողովածուն է։ Նրա գործերը անդրադառնում են սոցիալական և քաղաքական տարբեր հարցերի: Մարդկանց զգացմունքներն ու հարաբերությունները ևս Դյուրանժեի գրողական հետաքրքրությունների առանցքում են: Հեղինակի տեքստերը, որ զգալիորեն նպաստել են ժամանակակից թատրոնի զարգացմանը, արտացոլում են մեր կյանքի մարտահրավերները՝ ընթերցողին և հանդիսատեսին ստիպելով վերանայել ու վերաիմաստավորել իրենց հայացքներն ու համոզմունքները: Դրամատուրգը փորձարարական և նորարարական ձևերի համակցությամբ վարպետորեն պատկերում է մարդու հոգեբանության նրբությունները: Այս ժողովածուն ներառում է «Մարդկային պատմություններ», «Քրոնիկներ», «Հարսնացուն» և «Նվեր Աստծուն» պիեսները, որոնք թարգմանվել են բազմաթիվ լեզուներով՝ գրավելով հեղինակավոր բեմեր: