«Ինչպես ստեղծել երջանիկ հարաբերություններ» գիրքը Արփի Վանյանի ոգեշնչող գրքերից ևս մեկն է, որն ընթերցողներին առաջարկում է յուրահատուկ պատկերացում՝ սիրո մեջ երջանիկ լինելու արվեստի մասին: Գրքում հեղինակը բացահայտում է ոչ միայն հարաբերությունների ամրապնդման հիմնական սկզբունքները, այլև սիրո համատեքստում ինքնաճանաչման խորը ասպեկտները: Բացահայտելով երջանիկ հարաբերությունների գաղտնիքները՝ գիրքն անդրադառնում է զույգի հաղորդակցության, փոխըմբռնման, անձնական սահմանների գիտակցման ու ճանաչման, հարգանքի կարևորությանը: Միևնույն ժամանակ հատուկ ուշադրություն է դարձվում հուզական ինտելեկտի և կարեկցանքի ունակության զարգացմանը։ Հեղինակը նաև ուսումնասիրում է անձնական աճի թեման սիրո համատեքստում՝ ընթերցողներին առաջարկելով եզակի պրակտիկա և վարժություններ՝ ինքնագիտակցությունը և հարա– բերություններում ինքնավստահությունը զարգացնելու համար: Գիրքը ընթերցողներին խրախուսում է անդրադառնալ իրենց մանկական տրավմաներին, ծնողների կողմից «մատուցված» սցենարներին, սխալ համոզմունքներին, սեփական արժեքներին, հոգեկան պահանջմունքներին և ցանկություններին՝ օգնե- լով ստեղծել ավելի խորը և գիտակցված պատկերացում այն մասին, թե ինչն է նրանց ուրախացնում սիրո մեջ: Գիրքը երջանիկ սիրո գաղտնիքների մասին է, որոնք ոչ միայն հարաբերությունների ուղեցույց են, այլ նաև անձնական բարեկեցության ուղեցույց, որը հիմնված է սիրո և փոխըմբռնման վրա: