«Իմ հայերենը» հայերենի ուսուցման օժանդակ ձեռնարկը յուրահատուկ արդյունավետ միջոց է հայերեն դասավանդողների համար, որը կօգնի կրտսեր տարիքի սովորողներին յուրացնել հայերենը։ Ձեռնարկը բաղկացած է 15 հիմնական գլուխներից, որոնք ընդգրկում են հետայբբենական փուլում անհրաժեշտ ընթերցանության նյութեր, երկխոսություններ, շուրջ 600 բառ և արտահայտություն։ Այն ունի աշխատանքային տետր, որտեղ ներառված են խաչբառեր, ուսուցողական և ժամանցային այլ առաջադրանքներ։ Բոլոր թեմաների վերջում զետեղված են QR կոդեր, որոնք ուղղորդում են սովորողին ներբեռնել և լսել կամ դիտել հավելյալ տեղեկություններ տվյալ թեմայի վերաբերյալ ուսուցչի կամ ծնողի օգնությամբ։
Ուսումնական ձեռնարկի շնորհիվ սովորողները՝
ա. կստանան ամուր հիմքեր հայերենով հաղորդակցվելու համար,
բ. կզարգացնեն իրենց գիտելիքները հայերեն լեզվի և ազգային մշակույթի վերաբերյալ,
գ. կկիրառեն հայերենը առօրյայում՝ տարբեր շփումների ժամանակ։
Ձեռնարկը կարող է կիրառվել ինչպես դպրոցներում՝ դասապրոցեսի ընթացքում, այնպես էլ որպես լրացուցիչ նյութ՝ ծնողների համար՝ տնային պայմաններում երեխաների հետ աշխատելու համար։
Պատվիրի՛ր գրքեր և ստացիր արագ առաքում աշխարհի ցանկացած կետում:
Ավելի մանրամասն առաքման պայմանների և վճարման տարբերակների մասին տե՛ս այստեղ:
