Սա իրապատում և կախարդական հեքիաթների ժողովածու է, որը պատմում է մեր նախնիների զավակների մասին, ովքեր մեծացան ու փոխեցին աշխարհը: Գրքում տեղ գտած ութ իրապատում հեքիաթները ընթերցողին տանում են հայկական մշակույթի, հիշողության ու պատմության խորքերը՝ բացահայտելով մարդկանց ու վայրեր, որոնք դարձել են մեր ինքնության կարևոր մասը։ Այս հեքիաթային ճամփորդության ընթացքում կհանդիպեք Կոմիտաս վարդապետին, Հովհաննես Թումանյանին, Ղազարոս Աղայանին, Խրիմյան Հայրիկին, Մոմիկին, Տրդատ ճարտարապետին և շատ այլ պատմական ու մշակութային կարևոր կերպարների: Գիրքը նաև բացում է հայկական աշխարհի կախարդական վայրերի դռները՝ տանելով ընթերցողին դեպի Նախիջևանը, Ագուլիսը, Ջուղայի խաչքարերը, Անի մայրաքաղաքը, Մարմարավանքը, Սուրբ Սոֆիայի տաճարը, Գլաձորի համալսարանը, Նորավանքը, Վան քաղաքն իր եկեղեցիներով, Դվինը և շատ այլ հնամենի վայրեր։