Աշխատության երեք հատորում ամփոփվել են և՛ Սփյուռքում, և Հայաստանի Հանրապետությունում, և՛ Արցախի Հանրապետությունում հեղինակի ունեցած մոտ տասը տարիների հիմնական հրապարակային ելույթները, զեկուցումները՝ նվիրված Հայաստան-Սփյուռք գործակցությանը, պետական քաղաքականության տարբեր խնդիրներին: Անդրադարձ է կատարվել ՀՀ սփյուռքի նախարարության ռազմավարական ծրագրերին, հայեցակարգային խնդիրներին և իրականացված միջոցառումներին: Ուշադրության են արժանի հեղինակի զեկուցումները համահայկական համաժողովների ընթացքում, որոնք մեծապես նպաստում են Հայրենիք-Սփյուռք կապերի ամրապնդմանը, բանաձևում են դրույթներ համահայկական օրակարգի, առաջնահերթությունների մասին, այդ օրակարգին յուրաքանչյուր հայ մարդու, կառույցի, համայնքի մասնակցության մասին և նախանշում համատեղ գործունեության ուղիներ, ծրագրեր, ձեռնարկներ: