Հեղինակի անդրանիկ գիրքն է, որում ընդգրկված առաջին՝ «Բարև, ես եմ» վերտառությամբ պատումում գեղարվեստորեն նկարագրվում են պատմական հայրենիք կատարած ուխտագնացության տպավորությունները: Խոսքն անմի ջական է, զգացմունքային՝ շաղախված սրտաբուխ սիրո ելևէջներով, սարյա նական տաք գունաշխարհի թրթիռներով, հայկական կոլորիտով: Հայրենի եզերքով ճամփորդության դրվագները միահյուսվում են հուշերին, ներկան ու անցյալը զուգադրվում են զգացողությունների ու մտորումների խաչմերուկնե րում: Երկրորդ պատումը՝ «Արցախի նուռը», Թբիլիսիում ծնված երիտասարդ կնոջ ճակատագրի մասին է: Իրինան մի քանի օրով այցելում է Հայաստան, սակայն մնացյալ ողջ կյանքն անցկացնում է այստեղ։ Աղջիկը Երևանում հանդիպում է իր սիրույն և ընտանեկան երջանկությունն իր ընտրյալի հետ կառուցելու համար մեկնում նրա հայրենիք՝ Արցախ: Սակայն շատ շուտով խաղաղությանը փոխարինում է պատերազմը, և Իրինան հայտնվում է ողբերգական իրադարձությունների հորձանուտում: Պատմությունը գլխավորապես պատերազմի մասին է, որն իր մսաղացով է անցկացնում մարդկանց ճակատագրերը և նրանց զրկում ապագայից: Ու նաև այն լույսի մասին, որն ի զորու է նույնիսկ անհուսության խավարը ճեղքել։