Ավագ դպրոցի 12-րդ դասարանի համաշխարհային պատմության դասագիրքը, ինչպես և նախորդ դասարանների բոլոր դասագրքերը, գրված է «Զանգակ» հրատարակչության կողմից մշակված հայեցակարգի և մոտեցումների հիման վրա։ Դասագիրքն իր բովանդակությամբ և կառուցվածքով համապատասխանում է առարկայի չափորոշչով ու 12-րդ դասարանի ծրագրով նախատեսված բովանդակային բաղադրիչներին՝ գիտելիք, կարողություն/հմտություն, դիրքորոշում և արժեքային համակարգ։ Դասագրքի էլեկտրոնային տարբերակը հասանելի է այստեղ։ Դասագրքին կից տեսաձայնային նյութերը կարող եք ներբեռնել այստեղ։ Դասագրքի մեթոդական ձեռնարկը՝ այստեղ։ Ուսումնական նյութերը նպաստում են սովորողների քննական, ստեղծագործական մտածողության հմտությունների ամրապնդմանը, ապահովում են հաղորդակցում համամարդկային արժեքներին, հնարավորություն են տաիս կազմակերպելու քննարկումներ և բանավեճեր։ Դասագրքում ընդգրկված են համաշխարհային պատմության մի քանի կարևոր թեմաներ, որոնցից սովորողների ստացած գիտելիքները, արդի ժամանակաշրջանի երևույթները, իրադարձությունները և անհատների գործունեությունը վերլուծելու, գնահատելու և արժևորելու, առաջացող հասարակական խնդիրները լուծելու կարողունակությունները գործնականում կօգնեն նրանց ամբողջ կյանքի ընթացքում։