Ահա 70 տարի է, ինչ Աթոսի վանական Սիղուանոսի «Գրվածքները» մեծ տպաքանակներով լույս են տեսնում աշխարհի ամենատարբեր լեզուներով: Շնորհիվ այս պարզ ու հակիրճ գրառումների՝ ապշեցուցիչ իրենց խորությամբ ու անկեղծությամբ, հազարավոր մարդիկ աշխարհականացած Եվրոպայում և աթեիստական խորհրդային Ռուսաստանում հաղորդվեցին Ուղղափառության անսահման խորությանն ու իմաստությանը... Սուրբ Սիղուանոսի ստեղծագործությունների լեյտմոտիվը ապաշխարությունն է, խոնարհությունը, սերն առ Աստված և Աստծո սերն առ մարդը, որի համար էլ աշխարհի տարբեր ծագերի քրիստոնյաները այս աղոթարարին անվանում են «20-րդ դարի սիրո առաքյալ Սուրբ Սիղուանոսի գրվածքները հոգևոր մխիթարության կենդանի խոսքեր են. «Եթե Աստված մեզ հասկանալ չի տվել, թե աշխարհում ինչպես են կառուցված շատ բաներ, ուրեմն պետք չէ. մենք չենք կարող մտքով հասկանալ ամբողջ արարչագործությունը։ Բայց Ինքը՝ երկնքի ու երկրի և ամբողջ արարչության Արարիչը, մեզ ճանաչել է տալիս Իրեն՝ Սուրբ Հոգով... Օ, Տե՛ր, Սուրբ Հոգին տուր երկրին, որպեսզի բոլոր ազգերը ճանաչեն Քեզ և սովորեն Քո սերը»:
Պատվիրի՛ր գրքեր և ստացիր արագ առաքում աշխարհի ցանկացած կետում:
Ավելի մանրամասն առաքման պայմանների և վճարման տարբերակների մասին տե՛ս այստեղ:
