Ապրիլի 7-ին «Զանգակ» գրատանը տեղի ունեցավ հանդիպում «Բի Էս Սի» Բիզնեսի Աջակցման Կենտրոնի (BSC) հիմնադիր տնօրեն, «Քո սեփական բիզնեսը Հայաստանում» և «1 րոպե անց» գրքերի հեղինակ, բիզնեսի կառավարման փորձագետ-խորհրդատու Սամվել Գևորգյանի հետ։
Ես ուզում եմ խնդրել քեզ մի բան։ Մի բան, որի մասին մենք հաճախ ենք մոռանում, բայց որն ամենակարևորն է, որը կարող ես հիմա լսել ինձնից։ Ես խնդրում եմ՝ երազի՜ր։
Քո աշխարհը հենց քոնն է, այնպիսին, ինչպիսին դու ես ստեղծել։ Գրի՛ր ու ջնջի՛ր, մտածի՛ր, երևակայի՛ր, պատկերացրո՛ւ, հավատա՛, մի՛ հանձնվիր։ Հավատում եմ քեզ, դու էլ հավատա։ Սկսի՛ր երազել հենց այսօր։
Սովորիր երազել, երազելով՝ ապրել և ապրելով՝ երազել :
«1 րոպե անց» գրքի մասին
«1 րոպե անց»-ը նոր գիրք է` «Քո սեփական բիզնեսը Հայաստանում» բեսթսելլերի հեղինակ Սամվել Գևորգյանի կողմից
«1 րոպե անց» գիրքը նախատեսված է այն անձանց համար, ովքեր գնահատում են յուրաքանչյուր րոպեն, ցանկություն ունեն բացահայտելու ամբողջ ներուժը, որոշել են խոչընդոտները դարձնել հնարավորություն, ձեռքից բաց չեն թողնում հնարավորությունները և մշտապես ձգտում են #ՄիշտԱռաջ:
#1րոպեանց-ը նախապատրաստում է մարդուն կայացնել կարևոր որոշումներ` կյանքում, բիզնեսում և աշխատանքում: Այն ներկայացնում է, թե ինչպես հասնել անգերազանցելի արդյունքի և երաշխավորված շարժվել #ՄիշտԱռաջ։
Վերադառնալ